So a Sau so a bläde
'S lang' her, do hot's a Sprach' geb'm
Figaro
Servicekultur
Wia se des g'heard
As ganz große Glück
Schau a Stau
Was kann ich denn tun für Sie?
Globalplayer brauchan Phantasie
Gutti, Gutti
Do gibt's Tricks
Bring drei Helle
De G'schicht' vom Schorsch Graffiti
Mia mach' ma Pause
Doktor Lehner
De ham hoit koa Moral
Mei Sepp, du Depp, du
So a Glück, ja des is wunderbar
Korruptionsblues
'S is' koa Schmu
'S war nix dabei
Dei' Handy hot an greislig'n Ton
e-Müll Boogie
Da King vom Swingerclub
I, da Kini
Mai wäh
Superstar
So a Sau so a bläde
A bärigs Adjektiv beschreibt a Eigenschaft,
im Deitschn so a Wort glei' mehra Klarheit schafft.
Denn so a Hauptwort ganz alloa, des hot doch meistens
gor koa Kraft.
Wei' so a Adjektiv vor einem Substantiv,
das wertet auf, ja, ganz definitiv.
Eine Regel für das deutsche Sprachgebiet,
bloß bei de Bayern, ja, do klingt des so:
So a Sau, so a bläde -
das Schwein ist leider nicht clever.
Und wer net ganz genau hi'horcht,
werd's net auf Anhieb vasteh'.
Ja, so a Sau, so a bläde -
do stähts as „bläd“ hinter'm Nomen,
wei bei und z'erst amoi d' Sau kummt,
bei ihr'm IQ is' eh ois z'spät.
Sogst bläde Sau,
bist ungenau.
Wei' d' Sau vorn stäht
und hint' is bläd - anstatt: Du bläde Sau!
Bei uns im Radio, da froaseln 'n sowieso,
denn Boarisch re'd da koaner, des is' leider so,
weil so a Rundfunksprecher nur no Hochdeitsch red'n dearf,
des gäht no klar.
Doch bist du nicht erpicht, wenn dann a Werbewicht:
„Ah, wie schmeckt der lecker!“ von sei'm Joghurt spricht.
Bairisch klingt des net, mei liaber Werbemo
und ganz klammheimlich klingts bei dir drin so:
So a Sau, so a bläde....
Zum Anfang
'S lang' her, do hot's a Sprach' geb'n
'S lang' her, do hot 's a Sprach' geb'n,
s is' weit entfernt.
Heit'zdog redt' de mehr koana,
schod drum, i hob's no gl'ernt.
Denglisch, ja des is trendy,
deitsch is out;
so hoaßt's jetzat zum Beispui
TOLL anstatt Straß'nmaut.
Am Aiport bei de VIP
do checkt der vom Security dei' Ticket -
dein' Kuffan hoist im bagage claim
und hoamfahrn duast mit'm Citytrain,
wei's hoit schneill gäht!
Wuist a Semme zur Brotzeit,
brauchst a Brot,
suachst du dir heit' an Backshop,
denn d'Bäckerei'n, ja di san tot!
Manches Girlie is happy
und kommt g'rennt,
wenn a gecastete Boygroup
singt mit a Coverband.
Druckt se nei in den Ballroom
und sie denkt:
Der Event is' heit indoor,
weils drauß' scho' wieder rengn't.
Blockbusters siehg'st zur primetime now,
da man, der sogt zu seiner Frau: „My Dear!
De News, de schaug i' mir no' o,
geh' scho' ins Bett, i' trink bloß no'
a eiskoid's Whitebier!“
Land der Dichter und Denker -
lang is' her!
Frühers hot's eier Sprach' geb'n,
aber do geht nix mehr,
do geht scho lang nix mehr!
Der Scheißdreck aus de' USA,
ja der werd oiwei' mehr!
Zum Anfang
Figaro
Mei' liaber Figaro, es is' hoit leider so,
für di' san jetzt ganz schwere Zeiten.
De Kund'n bleib'm da aus, rasier'n se bloß no' z' Haus,
darüber braucha mia net streit'n.
Weil wos as Hoorschnei'n kost, denkt mancher se getrost,
des lasst oan in die Armut gleiten -
deine Preise, uncharmant, san vui z'hoch, exorbitant.
Steckst boid in Schwierigkeiten!
Doch du konnst nix dafür, weil olle woin's von dir
Gebühren und Entgelte haben.
Zum Beispui d' IHK, stäht gern dei'm Konto nah
und wui se gerne daran laben.
Berufsgenossenschaft, de droht mit Beugehaft,
wenn sie nicht schnell den Beitrag haben.
Soli, Innung, AOK, alle Vöglein sind schon da
und g'langa hi', wia d' Rab'n.
Doch du bist ja net dumm, d'rum legst du alles um,
um auf deine Einstandspreise.
Zum Schluss staunst du net schlecht, der Preis is' doch net echt,
und plötzlich fluachst du leise,
des kon koa Mensch dazoin, as Hoorschneid'n konns't da moin
deine Preise de san... vui z'hoch
Kostenträger, de dean spoit'n, du muasst zoihn, und de vawoit'n!
Denn dahin geht die Reise.
Ja des is für di' schade, wirkli' schade
jammerschade, denn des macht di' ganz malade.
Steig auf d' Ballustrade - de Geldbeut'lschneider,
de ois von dir woin, für di', do wars g'scheider, da Deife daats hoin.
Sauerei, Hilfeschrei, Kuckucksei, Schmarrn hoch drei,
Folterei, Pleite nei, Sklaverei!
De ziag'n de aus bis auf's Hemd, do gibt's koa Gnade...
de Bluatsbande, de ausg'schamde, 's is' a Schande, hierzulande.
Ois is' Mist, bist bloß a g'moik'ne Kuah,
Haarstylist, sperr' doch dein' Lod'n zua.
Faktum ist, so kriagst Behördenruah...
aus... sperr' zua!
Zum Anfang
Servicekultur
Servicekultur - und jetzt ziag a Zoi
und hoits Mai!
Wartetortour - und auf jed'n Foi
hockst dawei!
Boid reißt da d'Schnur - in dem Affenstoi,
Sau-er-ei!
Du host Frust pur - und in oaner Tour
schaugst nur, schaugst nur - auf d'Uhr!
Zum Anfang
Wia se des g'heard
Kampf auf da Karrierestiagn,
g'logn werd, dass se d' Boik'n biagn,
mei is' des g'schert!
Hinterrücks am Arwatsplatz,
tuscheln deans, du g'hörst da Katz,
mei is' des g'schert!
Krumm und dreckat wiara Schlauch im Gart'n
manch' Charakter gheart net zua de zart'n:
Und dei' Chef der Gschwoitekopf,
der schaugt weg, du kriagst an Kropf,
mei is' des g'schert,
mei is' des g'schert!
Der Neue von der EDV,
hat d' Anna g'sagt, sie wüsst's genau,
meinst den Hans-Gerd?
Ja der ist, ich trau' mich kaum...
Was, der Hans-Gerd?
So a Schwuchtl hoaßt se dann Kollege,
Du, dem muass ma besser aus'm Weg geh'!
Der wird jetzt isoliert,
der is' sicher infiziert!
Was, der Hans-Gerd?
Ja, der Hans-Gerd!
Schleimerg'lschlerf, Kollegengschmoaß
du muasst schpeib'm, dir werd hoaß!
Wia se des g'heard!
Du schiabst einen Riesenhass,
ze'rst werst' rot, nachat blass!
Wia se des g'heard!
Wehr di' do', bevor s' di' ferti' macha,
kumm denk noch, zum Schluss do werst du lacha!
Langsam reift in dir a Plan,
schiabs net auf, fang' scho' an!
Wei's in dir gärt,
Drecksg'schwerl, ja...
Und scho' denkst, du muasst wos doa,
sunst stähst boid ganz alloa!
Wei's in dir gärt!
In dir siedet scho' dei' Bluat,
Racheglust, des duat guat!
Wei's in dir gärt!
Infiltrierst an Virus ins Programm nei,
Insolvenz - Konkurs - ein Schuss - ein Mordsschrei'!
Kontermobbing in da Not,
dei' Chef is' samt da Firma tot!
Wia se des g'heard!
Wia se des g'heard!
Zum Anfang
As ganz große Glück
As ganz große Glück kummt boid zu Dir,
schreibt d'Firma Gloria.
Da Hauptgewinn, der g'hört boid mia,
mia, da Antonia.
I konns no gor net glaam, ja, is des wohr?
A Reise - so a Freid!
Mit Einkaufsmöglichkeit sogor,
hurra, boid is' soweit!
S'Hotel fast nah beim Meer - Antalya,
all inclusive - des daat ihr g'foin.
Und Ausflüg' ja, de gabat's a.
An Flugmuasst selber zoihn.
De Reiseleitung wui dei' Bestes nur,
dei' Geld, des bleibt im Teppichlod'n.
Da Pool is grod in Rep'ratur,
nur im Klosett konnst bod'n.
Zum Ess'n gibt's no' nix, des muasst vasteh',
weil z'erst muass momentan
am Minarett as Liacht ogeh
- de habm grod Ramadan!
As große Glück kummt boid zu dir,
schreibt d'Firma Gloria.
Es schiabts me bloß oamoi auf d' Roilln
und denkt: Leckt's mich am A...!
- Bluats Abzockmafia!
Zum Anfang
Schau a Stau
Schau, i glaab do vorn des werd' a Stau.
Do bei dem Mo, i' siehg's genau,
aus Holland samt sein'm Caravan.
Sommerhitze, ja du glaabst es nicht,
z'erst kriagst an Hois und dann de Gicht!
Der moant woih do is' Kett'npflicht.
Staus Richtung Süden - felix Austria!
Vorn de Platitüden - hint'n stinkt da da!
Ja, des woaß do heit'z'tog jedes Kind,
dass vorn im Stau da Erste spinnt,
oft sitzta in am Caravan!
Do, schau!
Da Stau!
Genau!
Wo hockt do da Depp?
Ganz vorn, do hockt da Depp!
Du bist gefrusted
und du denkst da barsch:
Der, der ganz vorn stäht,
ja, des is doch a...!
Ah, du glaabst du kriagst de Dia net zua,
der Karrn do vorn in deiner Spur,
ja, des is doch a Caravan!
Aber Vorurteile guada Mo,
de kenna deisch'n - sowieso,
grod auf da Alpenautobahn!
Si ta cu issis
Philososphos mancissis,
weil jetzt oans g'wieß is,
da Holländer war's net!
Ja, ja du do beißt di doch da Bär,
vorm Hollända stäht oaner quer -
a Uniform, wos wui denn der?
I bin da Pickerlkontrolleur -
des is da Pickerlkontrolleur!
Zum Anfang
Was kann ich denn tun für Sie?
Mei Klientel is weiblich,
sucht Rat fürs Leben, gerne lege ich
die Zukunft frei mit viel Phantasie:
„Was kann ich denn tun für Sie?“
Im Studio schrillt ein Klingelton.
„Wen hab' ich denn da am Telefon?“
(nasal) „Ja, hier is' de Frau Annemarie!“
„Was kann ich denn tun für Sie?“
Ich bin die Chefmoderatorin
im Astro TV.
Die Kundschaft reicht von der Doktorin
bis zur Putzfrau.
(nasal) „Ich hätt' amal a Frage da.
Es gäht da um mein' Tschamstara.
Werd' do amoi wos Ernsthaftes draus?
Oder is' mi'm Klaus boid aus?“
(gespr.) Na, das ist doch eine meiner leichtesten Übungen...
Die Karten sagen sternenklar,
die Zukunft - meine liebe Frau Annemarie -
wird für Sie einfach wunderbar.
Die Liebeskarte - es ist wirklich wahr -
(gesungen) liegt sehr nah am Traualtar!
Die Massenberatung, ein Fortschritt
dank der Medienwelt.
Ein Blick in die Zukunft bringt Profit
und nur der zählt!
Saß früher ich im Kirmeszelt,
die Frageformel brachte mein Geld.
Denn damals, wie auch heut', lautet die:
Was kann ich denn tun für Sie?
Was kann ich denn tun für Sie?
(gespr.) Für Geld verarsch ich unter Garantie -
auch Sie!
Zum Anfang
Globalplayer brauchan Phantasie
Mehr Gewinn, so hoaßt de Strategie,
Globalplayer werst'd sonst nie!
Arbeitsplatz, des guit mit Garantie,
kaum schaugst weg, scho' is' er hi'!
Weil nur die Vorstandschaft
mit ihrer Ellbogenkraft
mehr Wert beim Aktienkurs schafft!
Und fahrt da Karrn an die Wand,
dann greift de Abfindungshand!
De Subvention nemma mit
und dann im nächsten Schritt,
do mach ma Litauen fit!
Nur de Teutonen bleib'm hier,
bei Alkohol und Hartz 4.
Arbeitnehmer werden abserviert,
Zeitarbeiter rekrutiert,
rigoros und völlig ungeniert
ganze Werke demontiert!
A smarter Vorstand, der hat
an Parlamentler parat,
der hockt im Aufsichtsrat!
Weil der dann seinen Mist,
vertritt als Lobbyist!
Er hot a Villa am Meer,
an Bentley mit Chauffeur,
da Walz is' sei' Coiffeur!
Mit Brunei is' er vertraut,
weil Liechtenstein des ist out!
Zum Anfang
Gutti, Gutti
Gutti Gutti für mi',
Gutti Gutti für Sie -
aus Erfahrung lerna, na des dean mia nie!
Scho ois Kind hot d'Mama domois zu mia gsogt -
Gutti, Gutti!
Pass bloß auf, wenn oana zu Dir ung'frogt sogt:
Gutti, Gutti!
Der wui meistens wos von Dir,
is oft gamsig wira Stier.
Ja der wui von dir des oane,
hotas kriagt, dann kriagstn nie!
So a Gutti liegt dann monatlang lang im Bauch,
Gutti, Gutti!
Nach drei Johr sogst Gutti: „Mutti, Anna auch“ -
Ja des is doch da Hammer,
denk' doch bloß an dei' Mama!
Gutti, Gutti für mi',
Gutti, Gutti für Sie -
aus Erfahrung lerna, na des dean mia nie!
Karies, rechts oben Nummer vier,
Gutti, Gutti!
Du plärrst vor Schmerz, dei' Zahnarzt sogt zu dir:
Gutti, Gutti!
Ja de Guttis, i sogs gleich,
dir deans wäh, mi machans reich!
Und deine dritten Beißer
zoiht dei' Krankenkasse nie!
Du warst tapfer - glei' schaugt's anders aus,
Gutti, Gutti!
Ois Belohnung gibt's a Gutti - a kloans blau's!
Ja des is doch da Hammer,
denk' doch bloß an dei' Mama!
Gutti, Gutti für mi',
Gutti, Gutti für Sie -
aus Erfahrung lerna, na des dean mia nie!
Kandidatenkür zur nächsten Wahl,
Gutti, Gutti!
Wir versprechen im Regierungsfall:
Gutti, Gutti!
Steuersenkung ist doch klar
und Reformen, wunderbar!
Alle anderen Parteien,
ja de wähln's besser nie!
Kaum sans dro', scho hoitns di für bläd.
Gutti Gutti!
Weil des wos g'sogt ham leider grod net gäht, net gäht!
Ja des is doch da Hammer,
denk' doch bloß an dei' Mama!
Zua da Demokratie
gäht boid koaner mehr hi' -
aus Erfahrung learna, na des dean de nie,
des dean de nie.
De Passivwähler, na, de learnans nie, nie,
nie, nie!
Zum Anfang
Do' gibt's Tricks
Brauchst an Maler, prüf'st sei' Angebot,
bei dem Preis, den der verlangt, kriag'st Atemnot...
Doch do gibt's Tricks und dann kost's fast nix.
Dei' Auto fahrt net sauber in da Spur
...war fast in' n Grob'n g'fahrn!
Sogt da Werkstotmoasta: "Tei're Rep'ratur" -
ja, so ein Scheißkarrn!
Do gibt's Tricks und dann kost's fast nix!
Der Karrn, der macht eahm arm!
Brauchst du koa Rechnung, is a net teier,
sparst' scho' amoi glei' de Mehrwertsteier!
Des is' do' logisch, schwarzl'n muasst, guader Mo!
Weil so hohe Kosten, lass'ns Geld verrost'n!
'S macht do' jeder, ja des is' boid Voikssport.
A du zoihst ungern' an den Staat.
De Hauptsach' is, dei' Wies'n, de is' g'maht -
ja zähfix, von dir, do kriag'ns nix!
De Rechnung konnst da schenga,
warum, des konnst da denga!
Erscheint nix in de Biacher -
is' 's Geld in trock'ne Tiacher!
So macht's heit do a jeder -
du a, du a, du a, du a!
Nix für' n Sozialstaat, spar' da deine Kohlen -
in deiner Küch' weißeln schwarz zwoa Polen.
Du! Solidarisch? Di' geht des nix net o!
Spar' da doch dein' Flieder, Steiern zoihn is z'wider -
host dei' Geld g'spart, bist du bei de Sieger!
A' du brauchst irgendwann an Staat.
Und du glaabst, dass der a Puiver hot?
Der hot nix, zwengs deine bläd'n Tricks.
Do gibt's nix, zwengs deine Tricks,
do gibt's nix, zwengs deine Tricks!
Zum Anfang
Bring drei Helle
Du hockst bei am Kochgenie,
da Michelin, der sogt, der hot drei Sterne.
„Passend zum Menue, mein Herr,
ein Chateau Brun, den Wein empfehl' ich gerne.“
Doch du sogst nur:
„Bring' drei Helle, für mein' Freind und mi',
Zoihdog ist erst nächste Woch', du woaßt scho...
Bring' drei Helle, zwoa de san für mi',
oane is' für eahm... Schreib's olle o!“
Abenteuerurlaub, nix für Softies,
Trekking quer durch de Sahara.
D' Sonna brennt, dei' Pläschl pappt,
a Sandsturm tobt - Oa-se - scho' werd 's klarer.
Frau Fatima!
As erste von de' zehne war in Bayern scho' immer as Reinheitsgebot!
Bis die aus Brüssel de in Berlin über 'n Tisch zog'n haben.
Verbesserungsvorschlog: Oafach im deitsch'n Staatswapp'n an Bundesadler gega a Krokodil austausch'n.
Hot a a mordsstrumm Klapp'n, obwoih eahm as Wasser bis zum Hois stäht.
Schwoabm' mas owe!
Bring drei Helle, bring drei Helle!
Freidog, do werd ganz hoaß diskutiert
- vergangne Zeit'n - do am Stammtisch!
„Frühers hot's des nia net geb'm,
dass d' Jugend so a Koma sauft - a Schand ' is!“
„Dearf's no' oans sei?“ „A logisch!“
„Sperrstund' jetzt auf der Stelle!“
„Oane no, auf de Schnelle!“
Saurausch - auf alle Fälle!
Leberzirhosenquelle!
Zum Anfang
De G'schicht' vom Schorsch Graffiti
U ah, u ah, du du, Gitti, sing' uns wos vom Schorsch Graffiti!
U ah, u ah, du du, Gitti, lass wos hearn vom Schorsch Graffiti!
Was soi i sog'n, wia jede Nacht
richt' i ehm's Zeig' her, wenn er se auf 'd Socka macht.
A liachtschei's G'wand, fünf Doserl Spray,
dazua a Brotzeit - d' Nacht is lang - des muass scho sei'.
Uui - mit ganz vui G'fuih' sprüht er auf grau - rot, gelb, grün, blau...
U ah, u ah, du du, Gitti, sing' uns wos vom Schorsch Graffiti!
U ah, u ah, du du, Gitti, lass wos hearn vom Schorsch Graffiti!
Der Mond scheint hell, Schorsch macht Kultur -
er braucht koa Leinwand, braucht koan Pinsel und koa Uhr.
Ganz in da Näh', 's is wirklich wahr,
schaugt eahm a Mo zua - seines Zeichens Kommissar.
Uui - der hot a Zuih, führt ihn am Krag'n zum Zeiserlwag'n.
Da Richter moant Kunst war 's net, so sogst 's S t G B,
weil d' Spießer find'n Mauern naturgrau g'stricha wunderschee.
U ah, u ah, du du, Gitti, Stadelheim so hoaßt des bitte...
Wos san zwoa Jahr? De san schnell g'schafft.
Er lernt drei Leit' o - schließlich war 's koa Einzelhaft. Ja, de is' lang' scho' tabu!
Mit Knast know how - is' des net schee -
geht er auf's Amt und gründet glei' a Ich AG.
Uui - ein Superg'fuih! Des G'schäft geht guat, mir steigst am Huat!
U ah, u ah, du du, Gitti, sing' uns wos vom Schorsch Graffiti!
U ah, u ah, du du, Gitti, lass wos hearn vom Schorsch Graffiti!
Und die Moral von der Geschicht':
Der Münchner Knast, der schadet nicht!
Karrierensprung beim Strafvollzug -
ja, des is' wahr, koa Lug', koa 'Trug!
Es kummt d'rauf o, was d' aus dir machst -
davo hängt 's ob, ob'st woanst, ob'st lachst.
Denn s' Lebn, des is recht farbenfroh -
und 's kummt wia 's kummt ja sowieso.
Zum Anfang
Mia mach' ma Pause
Wenn da Kniaschwammerl o'schleicht,
dann werd's für di' hächste Zeit.
Lass ois lieg'n und - und lass ollas steh',
wei' di' s' Leb'm sunst nimmer g'freit.
Mia mach' ma Pause - glei' is' soweit.
Manch oana denkt: „Wos, jetzt scho'?“
And're werd'n hektisch - unruhig de Leit':
„Sappradie, wia lang gäht denn des no'?“
Ma' valangt von dir Leistung,
oschiab'n miassat'st wia zehn Stier,
tank' a Kraft, weil 's - weil's dann besser laaft.
An Herzkasperl, kriagst dann nia!
Mia mach' ma Pause, d' Bar hot scho auf -
Sie mog' an Prosecco!
Er wui' wos anders, hoits kaum mehr aus,
er muass dringend 'naus, ihr wisst scho' wo'!
Pause - mei duat des guat!
Olle viere amoi so, so richti' hänga lass'n.
Oafach amoi ois auslass'n,
oafach ganz locker, oafach entspanna...
Ja, du des duat guat - unglaubli' guat!
'Moi nix doa - des duat guat - ja des duat sauguat!
See you later, dann bis später, dann bis glei'!
Zum Anfang
Doktor Lehner
Dei' Figur, so makellos
und dei' Orsch is a net z'groß.
Fro'gt se nur, wia machst des bloß,
du goid'ner Schnitt von Frau!
Doktor Lehner
und sei' Beautyteam
schneid't di' scheener,
denn schee sei', des is' in!
Dei' Freindin lasst se lift'n,
schau, schau!
Dei' Mo gäht mit ihr stift'n -
da GAU!
Mei do, do werst de gif't'n.
Genau! Genau! Genau!
Buba Buba,
Buba Buba, Bu Ba - Bu Ba!
Vui Leit' san' schee,
so wunderschee,
mein san de schee,
du a, du a!
Und dei Bauch is' fettobg'saugt,
wei' d' Diät glei' gor nix taugt.
Ja do ham s' olle g'schaugt,
du Venus von da Au!
Doktor Lehner
und sei' Beautyteam
schneid't di' scheener,
denn schee sei', des is' in!
Wer Suibahochzeit feiert,
ja, ja!
An Bus'n gern erneiert,
aha!
Oft zoihst'n überteiert.
Du a! Du a! Du a!
Wenn i' schon da bin, Herr Doktor,
dann mach' ma de Plattfüß' doch sicher glei' a mit!
Vui Leit' san' schee,
so wunderschee,
mein san de schee!
Du a! Du a! Du a!
De Preise -
ganz leise -
san ...
...jetzt im Flatrate-Paket!
Zum Anfang
De ham hoit koa Moral
Wenn i an d' Tanke fahr,
dann werd' ma plötzlich klar,
do 'werd nix kalkuliert,
bloß über'n Leffe wer'st balbiert.
De ham hoit koa Moral!
De ham hoit koa Moral!
De ham hoit koa Moral!
De ham hoit koa Moral!
Wei' vor jedem Feierdog
is' Krise auf 'n Schlog.
Da Spritpreis sprunghaft steig
und mir mei' ganzes Geild vergeigt!
De ham hoit koa Moral!
De ham hoit koa Moral!
De ham hoit koa Moral!
De ham hoit koa Moral!
Pfui Deife, es Hamme'n!
Ja, schamts Eich, es Ramme'n!
Ja du de hoitn di' für bläd.
So bläd, dass häher nimmer gäht.
Du kriagst a Wuat, a mordstrum Wuat
auf diese Bluatsabzocker - Raffkebruat!
Da Vorstand von da Bank
erwartet frei und frank,
dass d' Überstunden schiabst,
für de du leider koan Cent kriagst.
De ham hoit koa Moral!
De ham hoit koa Moral!
De ham hoit koa Moral!
De ham hoit koa Moral!
Bloß er, er gönnt sich schon
a Bonifikation.
Und du hoffst voller Gift,
dass eahm a Blitz beim Scheißn trifft.
Ja du de hoitn di' für bläd.
So bläd, dass häher nimmer gäht.
Du kriagst a Wuat, a mordstrum Wuat
auf diese Bluatsabzocker.
Pfui Deife, es Hamme'n!
Ja, schamts Eich, es Ramme'n!
Pfui Deife, es Hamme'n!
Ja, schamts Eich, es Ramme'n!- Charakterloses G'scherf!
Zum Anfang
Mei Sepp, du Depp, du
Es war beim Frühstück, Mondog war 's,
mia tringa mitanand' a Haferl Muichkaffä...
Do sogt da Opa: „So wos bläd's,
i hob an Schmerz, mia duat do hint' im Kreiz wos weh!
Des zwickt und zwackt und außerdem hob i im G'nack a
Gfuih ois laffat do a Maus!“
Mia ruafan glei an Notarzt o, mit Blauliacht fahrns den guad'n Mo
ins Krankenhaus!
De Erstversorgung lafft, ois erstes frogn s' 'n nach da
Krankenkassenmitgliedschaft.
Da Opa is Privatpatient -
da Chefarzt geistig scho an neien Daimler kafft.
Und scho gähts los zum Röntgen, mi'm Roillstuih
schiabmsn durch des ganze Krankenhaus,
vor'm Ultraschall werd's Bluat obzapft,
dann Kernspin, EKG, des hoitst im Kopf net aus.
Der Untersuchungsmarathon geschafft -
noch ein Bericht, dann deaf da Opa raus.
Denn das Ergebnis war o.B. nach
sieben Tagen Aufenthoit im Krankenhaus!
Es war beim Frühstück, Diensdog war 's,
da Opa der is wieder do, de Knia, de san weich.
De Oma woant, as Enkerl lacht,
da Opa kratzt se hint' am G'nack - werd kreidebleich!
A Kleiderbügel spitz und hart - de Oma lacht:
„Wia d' Inder bei de Hindu!“
Und dann nimmt sie sei' „Fakirhand“ und flüstert eahm ins Ohr:
Mei' Sepp, du Depp, du!
Mei' Sepp, du Depp, du!
Mei' Sepp, du Depp du!
Zum Anfang
So a Glück, ja des is wunderbar
So a Glück, ja des is wunderbar!
So a Glück, ja des is wunderbar!
Manchmoi kannt i heulen. Vor Glück, Sie wissen scho',
auf mi' stäht hoit Fortuna, i frog mi' bloß wieso?
So a Glück, ja des is' wunderbar!
Neilich in da Zeitung drinn
is g'standn schwarz auf weiß:
A winterliche Kaffeefahrt
zu einem Superpreis!
I sog zuar Elfriede:
„Du pass auf, i hob moign frei -
so ein riesen Dusel, do samma dabei!“
So ein Glück, ja des is wunderbar!
So ein Glück, ja des is wunderbar!
Manchmoi kannt i heulen. Vor Glück, Sie wissen scho',
auf mi stäht hoit Fortuna, i frog mi bloß wieso?
So a Glück, ja des is wunderbar!
Ganz wunder-, wunderbar!
Am nächsten Dog in unserm Bus,
de Heizung is ein Graus.
A Anzugherr dabarmt se uns
und huift mit Deckn aus.
Sie kriagn's zu am Sonderpreis
mit Tausend sans dabei.
So ein Riesenmassel, dann bin i' so frei!
So ein Glück, ja des is wunderbar!
So ein Glück, ja des is wunderbar!
Wer is' die Elfriede, raunzt mei Oide im Bett
und sie wui ihr Deck'n hob'm, de i' von ihr hätt'!
Ois bloß draamt, ja des is' wunderbar
ganz wunder-, wunderbar!
Zum Anfang
Korruptionsblues
Mit Arbat, Ehrlichkeit und Fleiß
gewinnst du heitzudog koan Preis.
De Tugend' san nur sekundär,
de geb'n so guat wia nix mehr her.
Man hat dieser Tage
ein völlig anderes Salär.
Des Ganze hoaßt - ihr ahnt es schon,
du, jetzt hoach amoi zua -
a g'schickt gemachte Korruption.
Geld, des hot ma' nia g'nua!
De guilt ois ausgesproch'n schick
- scheiß' auf d' Moral, dann sprudelt 's Geld -
in unser' Bundesrepublik.
Des is normal auf dera Welt!
Denn bares Geld stinkt net,
so sogt se' mancher Goig'nstrick!
Zum Beispui geht gern wos am Bau.
Beim Plan war'n s' olle no' genau.
Doch schon manch' Amt g'hört zum Kartell,
genehmigt nur, wenn g'schmiert wird schnell - sehr schnell.
Dann funkelt im Dunkeln
des Amtmann' Rolex strahlend hell.
Bist dabei? Bin so frei!
Geld dabei? Moos juchei!
Steierfrei? Ja, hoits Mai!
Polizei! Sauerei!
Dawischt dabei - Riesen G'schrei!
Muass ins G'fängnis nei'!
Da oa der schleift, da ander' draht.
De Wies'n, ja, de is' scho' g'maht.
Beim Schofkopf' host as a kapiert,
dass du nur g'winnst, wenn oaner schmiert a Sau!
A selchterne woaß des, drum macht s'es völlig ungeniert!
Dei' Geld kriagtst bar - ois klar!?
Zum Anfang
'S is' koa Schmu
Tausend moi Tausend, des is' vui - wos sogst du?
Des Ganze in Euro daat ma glanga.
G'winnst des im Lotto, ja mei' Freind, dann schreist du,
erst Wahnsinn, dann Juhuh!
Doch des san bloß Peanuts im Vergleich - s'is koa Schmu.
I sog nur eins acht und elf Nulla;
a Billion hoaßt ma's, ja mei Freind, jetzt kimmst du,
de Zoih is' koa Tabu.
'S is' koa Schmu! Sovui Schuidn hot ganz Deitschland!
'S is' koa Schmu! Wer soi bloß de 'moi zoihn?
Des führt doch in'd Pleite, denk' moi noch und gib zu,
wennst mehra ausgibst, ois du ei'nimmst.
Und des über Jahre - Insolvenz sagst' dazu.
Ja sog' moi, spinnst denn du?
Wenn di' d' Enkelkinder dereinst frog'n: „Opa, du,
wer hot uns den Wahnsinn domois ei'brockt?“
Dann muaßt du sog'n: „Boid, liebes Kind, auch du
darfst wählen. Jetzt hör zu“:
CSU, Grüne, Rote und die Freien,
de Schmahvou, de ham dei' Zukunft g'stoihn.
Und dazu alle regierenden Parteien,
de Schmahvou, de ham dei' Zukunft g'stoihn!
De ham des olle - woin!
Des miassts Ihr ollas - zoihn!
Zum Anfang
'S war nix dabei
Um Zwölfe im TV, do schnurrt zu mia a Frau,
de Leitung war jetzt frei.
Valanga soi i' d' Loreley, 's war nix dabei!
Sie war scho' ganz schee scharf, hätt' Sexualbedarf
für d' Handyschnackselei...
„Dann ruaf' i' di' hoit jetzat o, i' bin so frei!“
Nullhundertneinz'ge sechs drei drei zwoa acht acht,
ja, do gäht's graub auf, Verbalsex heit' Nacht -
mei' hot de g'stöhnt, ja hob i's der schee g'macht!
I', da Stier vo' Ampfing!
De Rechnung is dann kumma zu dera hoaß'n Numma
mit meiner Loreley -
und mit da Telekom, do streite scho' ollerwei'!
Nullhundertneinz'ge sechs drei drei zwoa acht acht -
sie hot ma danoch dann no' Witz vazählt - domois, in dera Nacht.
Mei' war'n de guat, i' hob' no' stunde'nlang g'lacht.
I', da Depp vo' Ampfing!
Denn ewig lockt as Weib zum Handyzeitvertreib,
doch des is' jetzt vorbei.
Sie is' jetzt reich und i' bin pleite - aus und vorbei.
Sie is' jetzt reich und i' bin pleite. Handsex dawei'...
Zum Anfang
Dei' Handy hot an greislig'n Ton
Führst du dei' Herzdame ins Gourmetlokal,
Sechsgangmenü und dann schaug'n mar amal.
Nach de Austern do machst ihr a Angebot,
auf oan Schlog is' de Stimmung maustot.
Es klingelt 's Telefon, des hoitst do' net aus,
dei' Nachbar hoit se sei' Handy raus.
Und du sogst zu eahm, na was denn schon:
„Dei' Handy hot an greislig'n Ton!“
In da Friah liest dei' Zeitung in da S-Bahn drin,
denn Zeitungsles'n is a Bildungsg'winn.
Plötzlich stört do a mobile phone
dei' Zeitungslesekonzentration.
Es klingelt 's Telefon...
Nabuko geb'n s', ja des is Hochkultur!
Do passt ma auf, do schaugt ma net auf'd' Uhr.
Doch wos is' heit' los mit'm G'fangenenchor?
A Dissonanz beleidigt dei' Ohr...
Es klingelt 's Telefon...
Im Hotelbett d'rinn und im Arm eine Frau,
scharf wiara Radi, ja, des woaßt du genau!
Bussi, Bussi, grapschi, grapschi, ja, so arbatst di' vor,
auf oamoi' duat sie an narrisch'n Schroa!
Es klingelt 's Telefon, des hoitst do' net aus,
ihr Mo der hoit se sei' Handy raus,
und du sogst zu eahm, na was denn schon:
„Dei' Handy hot an greislig'n Ton!“
Zum Anfang
e-Müll Boogie
Wiss'n duat des koana. Es war in da Schui,
do hots plötzlich bumms g'macht,
mei war des a
G'fuih!
I' sog' no' zum Kare: „Freind' i' brauch' dein' Rat,
weil as fesche Annerl grod zu uns g'schaugt hot -
ja du, wen moant denn die?
Moant de di' oder mi'?“
Darauf sogt da Kare: „Schpäzi, du i'wett',
dass de Maus nur oans wui', nei' mit dir ins Bett!“
„Kare, du i' glaabs net, 's is net zum vasteh'!
I' glaab ja vui eher, sie wui mit dir geh!
Ja du, wen moant denn die?
Moant de di' oder mi'?"
D'rauf da Kare: „Spätzi - do gibts an Trick,
schreib ihr an Briaf zwengs ihr'm herzig'n Blick.
Und dann wart' ma oafach zwoa, drei, vier Dog
bis sie zrückschreibt und uns sogt, wen sie mog!
Doch koa Frog!
Nach am duzat Johr dann kriag ich einen Briaf.
Manchmoi laaft ois grodaus, manchmoi aber schiaf,
sie war scho lang' vaheirat, leider oft alloa,
sie draamt oft von da Schuizeit, oft a von uns zwoa -
ja du, wen moant denn die?
Moant de eahm oder mi'?
Aber heit'zdog, Späzi, ja des is' wohr,
do braucht koa Briaf mehr lange zwölf Johr.
Elektronisch - e-mail - so sogt ma heit',
kriagst du Spams mit Hochgeschwindigkeit!
So a Freid'!
Für as Liebesleb'n braucht da' Mann a Kraft!
Viagra muss das heben, wos 'da dei' net schafft.
Und im nächsten Spam stäht, Mann Du glaubst es
kaum,
dass er a no' z'kurz is, der Crem', der konnst
vertrau'n!
Zäfix, ja spinna die? San de bläd oder i'?
Zum Anfang
Da King vom Swingerclub
Mit Tennis host og'fangt,
g'schpuit host wirkle mau.
Boid hot da des Spui' g'langt,
wei'st g'schwitzt host wi' ra Sau!
Dann host du dir 'raustaucht,
an schmerzhaft'n Woif,
wei's rumlatschen a schlaucht,
bei achtzehn Lecher Goif.
Ja, di' macht hoit Boisport nimmer froh.
Jetzt treib'st an Sport, den wia du net jeder ko!
Wei' des wos du jetz' spuist,
do brauchst a koan Boi,
wei' du do jetzt moar bist,
a Crack auf jeden Foi.
Ja, du Glücksfall deiner Disziplin!
Naturtalent - für dein Team der Hauptgewinn!
De oa machans paarweis',
a boor ganz alloa,
gern macht mas im Rud'l,
zu dritt kummt 's a oft vor.
Du brauchst a koan Dress mehr,
koan Schläger, kaum Zeit.
Bei dem Sport do bist d' wer
und triffst vui nette Leit'.
Dei' Frau macht des lang scho'
ois Wanderpokal.
Wei' sie hoit gern' wandert -
sie sogt des war normal.
Ja, di' macht hoit Boispuin nimmer froh,
jetzt treib'st an Sport, den wia du net jeder ko!
Im Training a Vorbuid,
stahlhart wia da Krupp.
Boid bist du da Moasta -
da King vom Swingerclub,
da King vom Swingerclub,
da King vom Swingerclub!
Zum Anfang
I, da Kini
Bei da Musi, find'st gern' dei' G'spusi!
Bei da Musi, find'st gern' dei' G'spusi!
Mit junge Madl rumdoa, des is schee.
D'rum duat da Willy gern in d' Disco geh.
Do sogt da King Kong an der Eingangstür:
„Du, hau bloß ob, des do is' mei' Revier!
Weil do bin i, Oachekini,
und jetzt raus!“ Aus de Maus!
Hockst im Wirtshaus, dann lasst gern d' Sau raus!
Hockst im Wirtshaus, dann lasst gern d' Sau raus!
Du bist beim Watt'n, vier Mass Bier im G'sicht.
Plötzlich zu dir da Belli leise spricht:
„Glaab ma, des g'winn' ma und jetzt schaff' eahm aus!“
Do sogt da Gegner viere und spuit raus...
Ja do spinn' i, da Herz Kini!
Schpui valoa'n - traun deafst koam!
D'König in
Bayern san
leider scho'
ewig lang tot!
Doktor von Gudden war zu seiner Zeit
Leibarzt und sogt: „Es duat ma furchtbar leid -
Irrenärzte, Majestät,
Ja, de ham festgstellt, Sie san leider bläd!“
„Ja dann spinn' i, i da Kini,
mit Juchhäh, nei' in' See!“
Aus und gor is', schod is', dass 's wohr is'!
Aus und gor is', schod is', dass 's wohr is'!
Des war 's dann!
Wenns Eahna da oa oder ander'
Verbesserungsvorschlog g'foilln hot,
nachat red'ns drüber.
Ansonsten sog'ns besser nix!
Net, dass d' Leit sog'n,
Sie hätt'n an schlecht'n G'schmack!
„Jetz' is' aus!“ - „Do gähts naus!“
Zum Anfang
Mai wäh
Da Mensch - ja des is' wohr,
erkoren zu der Schöpfung Krone.
Er red't - recht vui sogor -,
mit am Vastand und manchmoi ohne.
Da oa, der sogt fast nix,
is liaber staad, wui nia ganz vorn' steh'.
Da ander' red't di' bläd,
boid duat eahm 's Mai wäh!
Dein Chef, ob Süd ob Nord,
wia jedes Moi beim Montagsmeeting,
ergreift sofort das Wort
zum Thema pro und contra Leasing.
Und du, du wart'st hoit ob
und trinktst dawei a Haferl Schwarztee.
Dei' Häuptling hot vui Text,
boid duat eahm 's Mai wäh!
Wer schwadroniert, red't a vui Schmarren,
hoarch liaber zua, konnst vui erfahr'n.
Und plappert net den ganz'n Dog,
vui g'sünder is' 's, ganz ohne Frog':
Dei' Schnodern zua, g'red't host scho' gnua,
sunst duat d' 'as Mai wäh!
Beim Sport guit generell:
An Brodlad'n zua und nia net off'n!
Beim Faustkampf ganz speziell:
Dei' Papp'n 'deck', sonst werd 's getroff''n.
Beim Schifahr'n fest ei'schmier'n,
de' Sonn' hot Kraft, net bloß bei Neischnee.
Pass' guat auf 'd'Goschn auf,
sonst duat d' 'as Mai wäh!
Im Parlament - verbal geht's rund,
do red't se mancher d' Waffe' wund:
Bla bla bla bla - kreizkurzähfix!
G'red't hota vui, g'sogt hota nix!
Dei Fotz'n zua - und jetz' an Ruah,
sonst duat d' 'as Mai wäh!
Zum Anfang
Superstar
Sogt dei' Pimpf: „Mama horch amoi zua,
d' Hauptschui is nix für dein' Bua.
I lern' net den Schmarrn, weil i net spinn.
Denn mir gäht oans net aus dem Sinn:
Deitschland suacht an Superstar!
Des bin' i, des is doch klar!
I wer' Deitschlands Superstar,
nur so konnst heit reich werd'n!“
Do sogt d' Mama: „Bärli, mei Bua,
host du denn wirklich vom Learna scho' gnua?“
„Mama, i glaab, des vastähst du net.
Drum horch guat zu und mach' koa G'frett:
Deitschland suacht an Superstar!
Freizeitprofi, wunderbar!
D' Schuibank drucka, nix net da!
Nur so konnst heit reich werd'n!“
Beep beep'm beep beep, yeah!
„Schui und Bildung, offenbar,
nix für eahm, dann is' ois klar.
Er is' hoit mei' Superstar,
mei' Buale, mei' Bärli.“
Da Recall, logo, des is as Zui.
Er singt vor, d' Jury haut's fast vom Stuih.
Nix Recall, so a Riesenbeschiss,
weil d' Jury bläd is', des is g'wiss!
„Nix is' mit'm Superstar.
Bohlen moant ganz lapidar:
du singst wia 'ra Dromedar,
du muaßt no' vui lerna!“
Beep beep'm beep beep, yeah!
Beep beep'm beep beep, yeah!
Beep beep'm beep beep, yeah!
Beep beep'm beep beep, yeah!
Zum Anfang